Таъйиди консулии ҳуҷҷатҳо
Талабот нисбати ҳуҷҷатҳои барои таъйиди консулӣ пешниҳодшаванда:
- ба забони тоҷикӣ ва ё русӣ тарҷума шуда бошад;
- тасдиқи нотариалӣ дошта бошад;
- дар Вазорати корҳои хориҷӣ ва ё дигар мақомоти салоҳиятдори расмии давлати иқомат таъйид шуда бошад;
- дар сурати таъйиди нусха, тасдиқи нотариалӣ лозим аст.
Қоидаҳои расмиёти таъйиди консулӣ:
- хироҷи таъйиди консулӣ: (барои ҳар як ҳуҷҷат) 50 доллари ШМА (барои шахсони воқеӣ) ва 150 доллари ШМА (барои шахсони ҳуқуқӣ);
- пардохти хироҷӣ консулӣ ба таври нақдӣ манъ аст;
Хироҷи консули метавонад:
а) ба суратҳисоби Сафорат гузаронида шавад;
б) дар яке аз банкоматҳои FAB Bank пардохт шавад;
в) тавассути корти бонкӣ дар бахши консулии Сафорат пардохт карда шавад.
- баррасии ҳуҷҷатҳои барои таъйиди консулӣ пешниҳодшуда 3 рӯзи кориро аз санаи пешниҳод фаро мегирад. Дар мавридҳои истисноӣ баррасии ҳуҷҷатҳо метавонад то 5 рӯзи корӣ тамдид гардад;
- баррасии фаврии ҳуҷҷат ҷиҳати таъйиди консулӣ дар давоми 24 – 48 соат амалӣ гардида, хироҷ консулӣ дучанд мегардад.
- дар ҳолати пайдо накардани ҳуҷҷат ё маълумот дар бораи он ва ё дар сурати рад кардани муроҷиаткунанда аз таъйиди консулии ҳуҷҷат, пардохт ба муроҷиаткунанда баргардонида намешавад.